To Readers (from The Voice Weekly)

[Ko ZNO/Mdy Boy, a friend from My CBox, he emailed this message and The Voice Weekly Journal of this week - Vol.6/No.50 at 6:00PM, SG Time]

စာဖတ်သူများသို့
The Voice Weekly  သည် ရွေးကောက်ပွဲအပြီး မြန်မာနိုင်ငံတွင် နိုင်ငံရေးစနစ်
ပြောင်းလဲသွားပြီး ဥပဒေပြုအာဏာ အတွင်းသို့ အပြန်အလှန် ထိန်းကျောင်းမှု
ပြုလုပ်မည့် နိုင်ငံရေးအင်အားစုများ ရောက်ရှိသွားမည်ဟု ယုံကြည်သည့် အလျောက်
ထိုသို့  ရှဥ့်လည်းလျှောက်သာ ပျားလည်းစွဲသာ အခြေအနေသစ်ကို မြင်တွေ့
ရတော့မည်ဖြစ်ကြောင်း အစဉ်တစိုက် မျှော်လင့်ချက်ပေး ရေးသားခဲ့ပါသည်။

ယခုအခါ တဖြည်းဖြည်းပုံပေါ်လာနေသော အခြေအနေ အရပ်ရပ်ကို ကြည့်လျှင် ကျွန်ုပ်တို့၏
ကြိုတင် ခန့်မှန်းရေးသားချက်များ မမှန်ကန်ကြောင်း ထင်ရှားလာနေသည်ကို
တွေ့ရသောကြောင့်  The Voice Weekly အနေဖြင့် စာဖတ်သူများကို မဖြစ်နိုင်သော
မျှော်လင့်ချက်များ ပေးခဲ့သူအဖြစ်
တောင်းပန်ရန် တာဝန်ရှိသည်ဟု ခံစားရပါသည်။

The Voice Weekly အနေဖြင့် ခန့်မှန်း ရေးသားခဲ့မှုများ မှားယွင်း သွားသည့်တိုင်မိမိတို့အနေဖြင့် နိုင်ငံနှင့် လူမျိုးအပေါ် ထားရှိသော စေတနာ ရာနှုန်းပြည့်
မှန်ကန်မှုရှိကြောင်းကိုမူ ထပ်မံ၍ ပြောကြားလိုပါသည်။

The Voice Weekly တွင် ရေးသားဖော်ပြခဲ့သော သုံးသပ်ချက်အားလုံးသည် ရာနှုန်းပြည့်
ရိုးသား ဖြောင့်မတ်မှု ရှိပြီး နိုင်ငံနှင့် လူမျိုးအပေါ် ထားရှိသော စေတနာ
မှန်ကန်မှုရှိကြောင်း မှတ်ကျောက်တင်ခံနိုင်ပါသည်။ ထို့အပြင် မည်သည့် Stakeholder
တစ်ဖက်ဖက်ကိုမျှ နိမ့်ပါးစေလိုသော ဆန္ဒမရှိဘဲ နှစ်ဖက် Win –Win အလို့ငှာသာ
ရည်ရွယ်ခဲ့ကြောင်း ကိုလည်း မှတ်ကျောက်တင်ခံနိုင်ပါသည်။

မည်သို့ပင်ဖြစ်စေ The Voice Weekly ၏ ခန့်မှန်းသုံးသပ်ချက်များ
မှားယွင်းခဲ့ကြောင်းကိုမူ စာဖတ်သူများသို့ ရိုးသားစွာ ၀န်ခံလိုပါသည်။
မိမိတို့
၏ စေတနာအမှားသာလျှင်ဖြစ်၍ စာဖတ်သူများအား မျှော်လင့်ချက်အမှား ပေးရာ
ရောက်ခဲ့လျှင်လည်း ကျွန်ုပ်တို့၏ အနူးအညွတ် တောင်းပန်မှုကို လက်ခံ၍ စာဖတ်သူများက
ခွင့်လွှတ် ပေးကြမည်ဟု ယုံကြည်ပါသည်။

The Voice Weekly  အနေဖြင့်မူ မိမိတို့ သန္နိဋ္ဌာန်ချမှတ်ထားသည့်အတိုင်း
နိုင်ငံနှင့် လူမျိုး အတွက် မလျှော့သော ဇွဲလုံ့လဖြင့်
ဆက်လက်တာဝန်ထမ်းဆောင်ပါမည့် အကြောင်း စာဖတ်သူများအား တစ်ပါတည်း အသိပေး
လိုက်ပါသည်။

အယ်ဒီတာ (၉-၁၁-၂၀၁၀)

Comments

Popular Posts